ہیلو! مسلم ملک وچوں میرے اک متر نے مینوں اوہناں لوکاں دے بارے پوچھیا جہڑے یسوع دے خواب تے رویا دا تجربہ رکھدے ہین رب دے متعلق دسن لئی میں اپنے خواب توں شروع کیتا۔ میں بچہ سی تے ایس خواب نوں آپ بنا نین سکدا سی۔ اوہ تیز روشنی وچ میرے تے ظاہر ہویا جہڑی بائبل دے مطابق رب دے جلال نال ملدی اے اوس ویلے شاہد میں ایس توں واقف نہ سی پرایس نے میرے اتے گہر ااثر چھڈ یا جہڑا مینوں اج تک یاد اے۔ اگرچہ اوس نے کجھ نہ آکھیا پر اوہدی موجودگی صاف طور نال میرے نال گلاں کردی رہی ۔ اوہ سجدے دے لائق سی۔ ایس لئی میں اوہدے اگےجھک گیا۔
میرے یہودی متراں دے جوڑے تے وی انج دا ذاتی تجربہ گزریا میری اک ساریاں توں چنگی متر سارے مذاہب دی حمایت کردی جدکہ مسیحیت دی معدافقت کردی اہنے کدی میری گل نوں سنجیدہ نہ سمجھیا تے ایس نقطے اتے گل ختم کر دیندی کہ ایہدا پیو مسیحیاں اتے چنگی بحث کردا اے۔
تاہم موت توں پہلاں ہسپتال وچ ایس نے یسوع ولوں آون والے کجھ ملاقاتیاں بارے دسیا ایہہ گل تے تصادم دے مترادف اے کہ اک یہودی یسوع دے قابل ذکرتے چمتکاری وقوعہ نوں منے۔ پرمیرا ایمان اےکہ مسیحا دی موجودگی نے اوہدے شعور نوں پوری طرح تبدیل کر د یتا۔
دوجی کہانی جنوبی افریقہ دے یہودی دی اے جہڑا اوس چرچ دے پاسباناں وچوں اک سی، جتھے میں وی جاندا۔ اوہ وی یسوع دے مسیحا ہون دا انکار کردا، پر یروشیلم دے دورے وچ اوہنے وی ایس دے بارےوچ کئی رویا ویکھیاں۔ ہوں ایس نوں اک کتاب لکھن دا تجربہ وی حاصل ہویا اے جسدا ناں “یروشیلم وچ میری اتفاقیہ ملاقات” اے
آخر وچ میرے مسلمان بیلیاں دی کجھ نہایت دلچسپ تے حیران کن کہانیاں یا گواہیاں جہڑے ناصرف یسوع دے نبی ہون دا احترام کردے بلکہ ایس دے خداوند ہون تے وی ایمان رکھدے ہین۔
اک بین الا قوامی چرچ تقریب وچ، میں اک مشرق وسطی دے نیک پائی نال ملیا جہنوں بعد وچ میں سبز ی دے سٹور تےملیا میں ایس ایرانی شخص دے ایمان لےآون دی وجہ پوچھی تے ایہنے یسوع دے خواب تے رویا دے بارے دسیا اپنے اک دوجے فلسطی بیلی نال میں اسرائیل وچ ملیا ا یہنےوی آکھیا اگرچہ میرا مذہبی پس منظر مسلم اے پرمیں یسوع تے ایمان لے آیا ، ایس دے ایمان تے کہ یسوع اہدے تے ظاہرہویا تے اوہنوں روشنی نال بھر دیتا۔ جیل وچ سٹ دیتا گیا۔
میں دوجے کئی لوکاں نال ملیا جینا وچ پاکستان دی اک عورت وی شامل سی۔ ایس نے دسیاکہ جوانی وچ اوہنےیسوع نوں پانی پین دی پیش کش کردیاں ویکھیا۔ میں ایس نقطہ دی وضاحت بائبل دےمتن نال کیتی کہ یسوع زندگی دا پانی اے جہڑا زندگی دیندا اے۔
ایران دی اک عورت نے مینوں ای۔ میل پیجی تے آکھیا کہ صبح دی دعا توں بعد میں بستروچ اجہے بیدار ہی ساں کہ اچانک سبز روشنی نال کمرہ پر گیا اتے اک مرد دی آواز آئی کہ اٹھ میں مسیحا آں۔ اوہنے دسیا کہ جواب وچ کمبدےہوئے بسترتوں اٹھی تےچادر نوں لپیٹ لیا کیونجہ اوہنے پردا نیں کیتا سی۔
قریباً ایہناں کہانیاں دی کجھ تفصیلات تے میں بھول گیا۔ کاش میں ویلے تے اہناں نوں محفوظ کر لیتا ہنودا۔ بہرحال میں ودھ توں ودھ اہناں رویا دے بارے سن ریاں آن۔ جہڑیاں حقیقی ہین تے زندگیاں تبدیل کرن دیاں ہین۔
ایس امروچ ایہہ مرد تے خواتین اپنے خانداناں تے معاشرے وچوں الگ ہون لئی تے بعض موت دا سامنا کرن لئی تیار ہین جدکہ لوک اپنی زندگی وچ کوئی خطرہ نہیں لیندے۔ میر ا ایمان اے کہ مشکل ویلے مظبوط تے محترک اثر دو گروہاں دے عقیدے دی عظیم ترین شخصیاتاں موسیٰی تے محمد توں نیں آیا۔ بلکہ بیداری دی ایہہ بلاہٹ یسوع دی ذات تےکلام اتے ایمان لیا کے سیکھی یا ہدایت پائی گیئی۔
ہو سکدا اےکہ تہاڈا سوال ایہناں بیاناں اتے درست ہووے۔ پر میں التجا کردا آں کہ تسی رب یا یسوع توں آپ پوچھوں کہ اوہ ذاتی طور نال تہاڈے تے ظاہر ہو کے اپنے بارے تہانوں دسےتاکہ تسی ایس دےخداوند تے نجات دہندہ ہوون لئی ایمان لے آؤ۔ آخر 700 کلب وچ میں ایمان لے آون والے مسلماناں دے بارے دو فلماں ویکھیاں۔
www.cbn.com/cbnnews/insideisrael/2012/june/dreams-visions-moving-muslims-to-christ/