សូមជំរាបសួរ ខ្ញុំបាទឈ្មោះ រ៉ប (Rob) ហើយខ្ញុំមកពីរដ្ឋតិចសាស់ ប្រទេសអាមេរិក អញ្ចឹង ខ្ញុំសូមជម្រាបលោកអ្នកបន្តិចអំពីខ្លួនខ្ញុំ។ ជាធម្មតាខ្ញុំចាប់ផ្តើមដោយចែកចាយពីទីបន្ទាល់លើសេចក្ដីជំនឿរបស់ខ្ញុំក្នុងព្រះអង្គដែលសំខាន់បំផុតសម្រាប់ខ្ញុំ។ ប្រហែលម្ភៃឆ្នាំមុន ខ្ញុំបានឆ្លងកាត់ពេលវេលាមួយដ៏ពិបាកបំផុត គឺខ្ញុំទទេរស្អាត ហើយគ្មានការងារធ្វើ។ នៅពេលដែលខ្ញុំមានសេចក្ដីជំនឿលើព្រះយេស៊ូវ នោះទ្រង់បានបំពេញខ្ញុំគ្រប់យ៉ាងហើយឥឡូវនេះខ្ញុំមានសេចក្ដីស្រឡាញ់ អំណរ និងសេចក្តីសុខសាន្តច្រើនជាងលោកីយ៍នេះដែលធ្លាប់ផ្ដល់ឲ្យខ្ញុំទៅទៀត។ ទ្រង់គឺជាសេចក្តីប្រាថ្នា និងជាជីវិតរបស់ខ្ញុំតែមួយគត់។
ប្រសិនបើខ្ញុំមិនបានឆ្លងកាត់បទពិសោធដ៏ពិតជាក់ស្តែងបែបនេះនោះទេ នោះខ្ញុំប្រហែលជាបោះបង់ចោលហើយ បានចាប់ផ្តើមស្វែងរកសេចក្ដីជំនឿផ្សេងទៀតជាយូរមកហើយ ។ តើមានអ្វីខ្លះបានផ្លាស់ប្តូរជីវិតរបស់ខ្ញុំ គឺថាខ្ញុំបានចូលទៅមានទំនាក់ទំនងផ្ទាល់ខ្លួនជាមួយព្រះយេស៊ូវហើយការចូលទៅនោះ វាបានហួសពីព្រំដែនសាសនា ឬ ទស្សនវិជ្ជា។ អ្វីដែលជាការពិតជាក់ស្តែង គឺនៅពេលមកដល់ចំណុចដែលត្រូវសម្រេចចិត្តលើសេចក្តីជំនឿក្នុងជីវិតខ្ញុំ នោះទ្រង់បានផ្លាស់ប្តូរខ្ញុំទាំងស្រុង បើនិយាយដោយត្រង់ទៅទាំងទង្វើរ ការគិត និងការជឿ បានផ្លាស់ប្តូរទាំងស្រុងក្នុងពេលតែមួយយប់ប៉ុណ្ណោះ ។ ខ្ញុំជាមនុស្សម្នាក់ផ្សេងគ្នា ហើយក៏គ្មានអ្វីបដិសេធបាននោះឡើយ ហើយការផ្លាស់ប្តូរនេះគឺជាភស្តុតាងសម្រាប់ការទាំងអស់នោះ។ ខ្ញុំបានកើតជាថ្មីម្តងទៀត ហើយឥឡូវនេះខ្ញុំដឹងថានេះ គឺមិនគ្រាន់តែពាក្យមួយដែលគេប្រើនៅក្នុងព្រះវិហារនោះទេ។ ខ្ញុំជាមនុស្សកើតថ្មីក្នុងព្រះគ្រីស្ទ។ ឥឡូវនេះចំណុចផ្លាស់ប្តូរមួយចំនួននៅក្នុងជីវិតខ្ញុំកំពុងផ្លាស់ប្តូរបន្តិចម្តងៗនៅឡើយ ប៉ុន្តែចំណុចខ្លះទៀតមានការផ្លាស់ប្តូរភ្លាមៗ ។ ខ្ញុំបានឃើញព្រះអង្គម្ចាស់រំដោះខ្ញុំចេញពីរឿងរ៉ាវជីវិតរបស់ខ្ញុំ ដែលហួសពីសមត្ថភាពដែលខ្ញុំអាចយកឈ្នះដោយខ្លួនឯង។ ព្រះយេស៊ូវបានផ្តល់កម្លាំងអោយខ្ញុំក្នុងការច្បាំងយកជ័យជំនះលើអំពើបាប ដែលរួមទាំងការញៀននីកូទីន នឹង អំពើប្រាសចាកសីលធម៌ខាងផ្លូវភេទ។ ហើយខ្ញុំក៏បានឃើញប្រពន្ធរបស់ខ្ញុំបានជាសះស្បើយពីជម្ងឺតម្រងនោមចុះខ្សោយ និងកូនប្រុសរបស់ខ្ញុំបានជាពីជម្ងឺហឺតផងដែរ នៅពេលដែលខ្ញុំសម្រេចចិត្តលើសេចក្ដីជំនឿរបស់ខ្ញុំ។ អ្វីៗទាំងអស់ដែលខ្ញុំបានផ្តល់ជូនលោកអ្នកនៅត្រង់ចំណុចនេះ វាគ្រាន់តែជាគំនិតយោបល់មួយប៉ុណ្ណោះ នោះទើបខ្ញុំមិនធ្វើឲ្យលោកអ្នកចំណាយពេលដោយឥតប្រយោជន៍ ក្នុងការអានទីបន្ទាល់របស់ខ្ញុំនោះទេ។
លោកអ្នកប្រហែលជានិយាយថា ខ្ញុំមិនជឿអ្នកទេ ឬបើល្អបំផុតនោះ លោកអ្នកអាចគិតថាខ្ញុំ និយាយមិនត្រឹមត្រូវ ប៉ុន្តែយ៉ាងហោចណាស់ខ្ញុំនិយាយដោយស្មោះត្រង់ ។ បើទោះបីជាលោកអ្នកមិនជឿព្រះអង្គក៏ដោយ តែខ្ញុំសុំអោយលោកអ្នកទូលទៅកាន់ព្រះអង្គដោយស្មោះត្រង់ ហើយសុំអោយទ្រង់បើកសម្តែងដល់លោកអ្នកអំពីសេចក្ដីពិតរបស់ព្រះយេស៊ូវ។ យ៉ាងណាក៏ដោយ សូមអរគុណម្តងទៀត សម្រាប់ការចំណាយពេលវេលាអានទីបន្ទាល់នេះ ហើយខ្ញុំសូមអធិស្ឋានសូមអោយព្រះអង្គប្រទានពរដ៏បរិបូរទៅដល់លោកអ្នកតាមរយៈការអាននេះ។