blogforjesus

Məhəmməd yalançı Peyğəmbərdirmi?

Quran müqəddəsdirmi?

Sunday, April 29th, 2012

Quranın müqəddəsliyini təhlil edərkən, biz onda qeyd edilənlərin həqiqiliyini araşdırmaq üçün bu kitaba bir ədəbiyyat nümunəsi kimi yanaşmalıyıq.

İslamda Qurana elə bir yüksək status verilmişdir ki, həmin kitab bu dinin nümayəndələri arasında bir səcdə obyektinə çevrilmişdir.

Bundan başqa, İslamın yaranmasına dair iddialar bu müqəddəs yazıda qeyd edilənlərdən daha uzaqlara gedib çıxır.

Mormonluğu təhlil edərkən, mən onunla İslam adətləri arasında oxşarlıqlara rast gəldim. Mormonlar müqəddəs yazıların qızıl lövhələr üzərində ilahi qüvvənin diktəsi altında yazılmasına inanırlar və bu yazılar transliterasiya üçün saxlanılır.

Bundan başqa, Cozef Smitin həqiqi dini aşkar etməsi və bunun ona ilahi vəhy vasitəsilə əyan olması iddia edilir.

Lakin bütün bunlara baxmayaraq, “Mormonun Kitabı” da Quran kimi mükəmməl bir sənəd deyil.

Müsəlmanlar iddia edirlər ki, Quran ən gözəl və mükəmməl ədəbiyyat nümunəsidir və İslam dini onun ilahi mənbəyinin daxili vəhy yolu ilə gəldiyini iddia edir.

Bu iddialar Cozef Smitin Mormon Kitabına da aid edilir və qeyd edilir ki, o, tarix boyu yazılmış ən mükəmməl kitabdır.

Lakin, bu kitabların hər biri iddia edildiyi kimi mükəmməl deyil. İddia etmək və həqiqətən beləm olmaq tamamilə fərqli anlayışlardır və insan öz həqiqət iddiasını inandırıcı sübutlarla əsaslandırmalıdır.

Başlanğıc üçün onu qeyd edim ki, Quranın yeganə mənbəyi şəxsiyyəti sual altında olan bir insandır.

Öz vəhylərinin ona əyan olmasının lap başlanğıcında Məhəmmədin özündə belə şübhələr yaranırdı və o, öz ruhi vəziyyətinin sağlam olub olmamasından şübhələnirdi. O, elə hesab edirdi ki, hər hansı şeytani qüvvə onun ruhunu zəbt etmişdir belə ki, bəzən, vəhylər zamanı onun ağzından köpük daşır və o dəvə kimi nərildəyirdi. Başqa bir sual Allahın həqiqətlərini yazıya alması üçün nə üçün savadsız bir şəxsi seçməsi olmuşdur, üstəlik bu həqiqətlər onun yaşadığı müddətdə bir yerə toplanıla bilmədi.

Mən bu mövzunun daha geniş müzakirəsini aşağıdakı linkdəki bloqda sizin diqqətinizə çatdırıram.

Quranla əlaqəli başqa bir sual mətnlərin mənşəyidir, belə ki, Quran öz mətnlərini ikinci dərəcəli mənbələrdən götürür. Bu mənbələr İncil və Yəhudi Xristian apokriptik ədəbiyyatı kimi müxtəlif nəzəriyyələrdir ki, onlar ilahi mənbələrinin olmadıqlarına görə dini icmalardan xaric edilmişlər. Bu qeyri dəqiq yazılar Yahudi və Xristian mədəniyyətinin qalıqlarına aid edilmişlər heç bir zaman ciddi qəbul edilməmişlər.

Bu ədəbiyyatla yanaşı Quran yazılarına Farsların Zərdüşt dininin təsirləri olmuşdur. Onda Allah bu ilahi fikirləri uydurma yerli fikirlər və insan adətlərində necə götürə bilər?

İnsan təxəyyülünün məhsulu və qeyri mükəmməl cəmiyyətlərin belə inkar etdiyi ədəbiyyatın əsasında yaranmış bir yazı ilə insan necə mükəmməlliyə və möcüzələrə yetişə bilər?

Əgər İslam həqiqətən də ən üstün dindirsə, o zaman niyə o öz unikal mənbəyindən yaranmadı və bunun əvəzinə həmin dövrdə İslam dinin ətrafında olan digər dini hərəkatların mənbələrindən faydalandı? O nə dərəcədə orijinaldır?

Başqa bir sual bu müqəddəs mətnlərin qalıq və davamsız materiallar olan sümük, taxta, dəri, yarpaqlar və daşlar kimi materialların üzərində yazılmasıdır.

Quran həmçinin yanlışlıq xas olan yaddaşın əsasında qələmə alınmışdır və onun qüsursuzluğunu və tam həqiqiliyini sübut etmək üçün tam və dəqiq yada salma tələb olunur.

Beləliklə də, həqiqətənmi bu kitab bütün “kitabların anası” adlandırılacaq səviyyədə monumental bir əsərdir və ya sadəcə növbəti bir qədim ədəbiyyat nümunəsidir?

Quranın Məhəmməd Peyğəmbərin həyatı və ya onun ölümündən qısa bir müddət ərzində tamamlandığı haqqında heç bir dəlil yoxdur və əksinə dəlillər göstərir ki, bu kitab Peyğəmbərin vəfatından sonra 150-200 il ərzində yazılmışdır və onun başa çatdırılması 8 və ya 9-cu əsrə təsadüf edir.

Alimlər bu nəticəyə gəlmişlər ki, Quranda deyilənlər bir insan tərəfindən deyil, iki yüz ərzində bir qrup insan tərəfindən deyilənlər əsasında qələmə alınmışdır.

Quranın ən qədim sürəti Ma’il-ə 790-cı ilə təsadüf edir, bu da Məhəmməd peyğəmbərin vəfatından 150 il sonradır.

Hətta mövcud olan ən qədim yazılar belə Məhəmməd Peyğəmbərin vəfatından 100 il sonraya aiddir.

Bundan başqa, İslam alimləri bunun əksini iddia etsələr də Osman sürətləri artıq mövcud deyil və faktiki olaraq, hazırki mətnlərdə olan Kufi yazısı Osman yazısının məhvindən 150 il sonra ortaya çıxmışdır.

Hesab edilir ki, Ərəb dili Allahın dilidir və əgər Quran həqiqətən də Allah tərəfindən göndərilmişdirsə, onda nə üçün Quranda Akkad, Assuriya, Fars, Suriya, İbri, Yunan, Aramik və Efiopiya kimi qədim dillərin sözlərindən istifadə edilmişdir?

Əgər Quran doğrudan da həqiqidirsə, onda nə üçün onun Textus Originalis və ya orijinal mətni qalmamışdır, xüsusilə də əgər tarixdə islamdan da qədim tarixə malik bəzi yazılar orijinal şəkildə günümüzə gəlib çatmışdırsa?! Əlbəttə ki, Allah öz qüvvəsi ilə müqəddəs mətnini qoruyub saxlaya bilərdi.

Quranın tarixinə gəldikdə isə, qeyd edilir ki, O, Zaid İbn Tabit tərəfindən qələmə alınmışdır və o, Məhəmmədin şəxsi katibi idi. Əbu Bəkrin göstərişinə əsasən, Zaid Məhəmməd Peyğəmbərin söylədiklərini qələmə almalı idi.

Üçüncü Xəlifə olan Osmanın hökmranlığı dövründə Quranın standartlaşdırılması üçün cəhd göstərildi və bütün müsəlman icmasına tək bir yeganə mətn təqdim edilməsi qərarına gəlindi və beləliklə də Zaidin yazılarının sürətləri yaradıldı və digər sənədlər yox edildi.

Əgər tək bir nəfər baş səlahiyyətli şəxs idisə və icmanın digər üzvləri Məhəmməd Peyğəmbərin yaxın dostları idilərsə, bu sənədin standart olması iddiası necə irəli sürülə bilər?

İndi bizim əlimizdə əvvəl mövcud olan mətnlərlə yanaşı sürətləri üstələyən sürətlər vardır. Biz necə öyrənə bilərik ki, bu mətnlər həqiqətən də Quranı təmsil edir və Məhəmməd Peyğəmbər həmin mətnlərin məzmunundan xəbərdar idimi?

Bundan başqa əlyazmaların çoxunun məhv edildiyinə görə orijinal mətnin bərpası üçün kifayət qədər material yoxdur.

Zaid, Abdulla İbn Məsud, Əbu Musa və Ubay tərəfindən yaradılmış dörd yazının arasında uyğunsuzluqların olmasına baxmayaraq, bir şey aydındır ki, bu şəxslərin dördü də Məhəmməd Peyğəmbərin yaxını olmuşlar.

Abdulla Məsud Məhəmməd Peyğəmbər tərəfindən Quran müəllimi olaraq təyin edilmişdi, Ubay isə peyğəmbərin katibi idi.

Mənim sualım: Peyğəmbərin yanında bu şəxslərdən hansının əlyazması daha etibarlı hesab edilirdi?

Osmanın ən düzgün qəbul etdiyi mətn hansı oldu, çünki başqa icmalar tərəfindən etibarlı qəbul edilən digər əlyazmalar da mövcud idi?

Bundan başqa, Zaid mətni toplayarkən, o, “daş-qalaq etmə” ilə bağlı bəzi fikirləri daxil etməyi unutmuşdu.

Və nəhayət mətni bir araya toplamaq cəhdlərindən sonra, mətn Kufənin hakimi olan Əl-Həccac tərəfindən baxılması və düzəliş edilməsi üçün təqdim edilmişdi.

O, ilk olaraq mətnlərin 11-nə düzəliş etdi, lakin sonralar onun düzəlişləri yeddi mətnə qədər azaldıldı.

Bundan sonra son mətnin əsasının götürüldüyü Həfşah mətni Mədinənin hakimi olan Mirvam tərəfindən məhv edilmişdi.

Bundan başqa Quranda İnkar adlanan anlayış mövcuddur ki, bu da mətnlərin təkmilləşdirilməsi və təzadların aradan qaldırılması üçün əvvəlki fikirlərin ləğv edilməsinə yol verir.

Mənə maraqlıdır ki, artıq mükəmməl olmuş bir şeyə necə düzəliş etmək olar? Bu vəhylər 20 illik bir dövrü əhatə edirdi və mədəni standartların yüksəldilməsinə yardım göstərirdi. İnkarların sayının 5-dən 500-ə qədər olduğu deyilir. Digərləri isə onların sayının 225 olduğunu qeyd edir. Buradan görünür ki, inkar təlimi həqiqətən də qeyri dəqiqdir, belə ki, neçə sürəyə düzəliş edildiyi heç kimə dəqiq məlum deyil.

Daxili təzadlardan başqa elmi və qrammatik səhvlər də mövcuddur.

Bütün bu uyğunsuzluqlara Quranın yaradılışından 250 il sonra, yəni 9-cu əsrdə ortaya çıxan və sayı artmaqda olan Hədislər də əlavə olunur.

600,000 hədisdən cəmi 7,000-i günümüzə qədər gəlib çataraq etibarlı hesab olunur, qalan 99%-nin isə yanlış olduğu qəbul edilmişdir.

Əgər bu hədislərin 99%-i düzgün deyilsə, biz Əl-Buxarı tərəfindən təsdiq edilən 1%-ə necə inana bilərik?

Müsəlmanların dini həmçinin Küssələr adlanan şifahi hekayəçilər tərəfindən də inkişaf etmişdir. Bu hekayəçilərin söylədikləri yalnızca 8-ci əsrdə bir araya toplanmışdır.

Bu hekayələr folklordan götürülmüşdü və beləliklə də İslama böyük təhriflər gətirmişdir.

Əgər siz telefon və ya hər hansı bir başqa yolla bir hekayənin böyük bir qrup arasında paylaşıldığı bir oyunda iştirak etmisinizsə, o zaman hekayənin nəticədə tamamilə başqa bir forma və məzmun alacağını bilirsiniz. İndi təsəvvür edin ki, belə bir hekayə iki yüz illik bir dövrdən keçmişdir. Sizcə nəticədə nə dərəcə düzgün bir hekayə əldə edilə bilər?

Quranın dünya möcüzələrinin möcüzəsi olmasını hesab etmək başqa sahələrdə də rast gəldiyimiz mübaliğə kimi qəbul edilə bilər.

Quranın yaratdığı suallar onun verdiyi cavablardan daha çoxdur.

Quran həqiqətən də ilahi qüvvəyə sahib üstün ədəbiyyat nümunəsidirmi, yoxsa o, iddia etdiyi şöhrət yüksəkliyinə çatmır?

Həqiqətən onun mətnlərində heç bir ədəbiyyat nümunəsinə xas olmayan gözəllik mövcuddurmu? Bu dinləyicinin qərarına buraxılmalı bir fikirdir, çünki çoxsaylı klassik ədəbiyyat nümunələri var və onların bəzilərindən də Quran öz mənbəyini götürür.

Heç kim üçün ikinci sayılmamalı olan bu kitabın tez –tez əlaqəsiz mətnlərinin olduğu və yaxşı redaktə edilmədiyi hesab edilir və bir çox hallarda onun həqiqiliyinə və orijinallığına şübhə ilə yanaşanların tənqidinə məruz qalır.

Bu dinə itaət edənlər isə kitabın məzmununa heç bir vaxt tənqidi yanaşmayaraq, onu şəksiz qəbul edirlər.

Kitabın məzmununa şübhə ilə yanaşmaq Allaha və onun Peyğəmbərinə şübhə ilə yanaşmaq kimi qəbul edilir və bu Müsəlmanlar üçün yol verilməzdir. Çünki onlar bunu əbədi zülmlərlə nəticələnən xəyanət kimi qəbul edirlər

Siz deyə bilərsiniz ki, Quranın İslamın bütün dəyişmə dövrlərindən keçərək günümüzə gəlib çatması möcüzədir, amma mən hesab edirəm ki, ortada olan bütün dəlillərə baxmayaraq, bu mətnlərin ilahi göndəriş olmasına inanmaq möcüzə tələb edir.

Yekun olaraq qeyd etmək istəyirəm ki, mənim Quran haqda başqa şərhim yoxdur. Ümid edirəm ki, öz sözlərim və fikirlərimlə Müsəlman dostlarıma hörmətsizlik göstərmədim.

Bunu etmək doğrudan da çətindir , çünki din şəxsi inanca çevriləndə həmin dinə qarşı yaranmış hər hansı sual və ya şübhə bu dinin daşıyıcıları tərəfindən təhlükə və düşmənçilik kimi qəbul edilir.

Əgər sizin müqəddəs etdiyiniz kitab haqqında dediklərim sizdə şübhə yerinə qəzəbinizin yaranmasına səbəb oldusa, sizdən məni əfv etməyinizi xahiş edirəm.

Yenə də qeyd edirəm ki, mənim məqsədim təhqir etmək deyil, məqsədim sadəcə həqiqəti müdafiə etmək və onun apardığı yolu izləməkdir.

Əlavə məlumat üçün bu bloqu yaradarkən mənim də mənbə olaraq istifadə etdiyim Cey Smit tərəfindən yazılmış məqalələrə nəzər yetirə bilərsiniz.

Is the Qur’an sacred?

Kəbə müqəddəsdirmi?

Sunday, April 29th, 2012

Ərəb cəmiyyəti İslam dininə görə yeganə həqiqi Tanrı olaraq Allaha sitayiş etsə də özünü politeist (çox tanrılı) keçmişindən tamamilə təcrid etməmişdir.

Məkkə şəhərində kub formasında olan bina olan Kəbə İslam dininə görə ən müqəddəs yerdir, amma İslam dinindən öncə bu yer bütpərəstlərin səcdəgahı olmuşdur.

Bu binanın təməl daşı səmadan yerə düşən qara meteorit hesab edilir və onun qaralığı bəşər övladının günahlarının qaranlığı ilə müqayisə edilir. Hal hazırda, Müsəlmanlar ehtiram əlaməti və ya Həcc səfəri zamanı ibadət rəmzi olaraq bu daşı öpürlər.

Ərəblərin İslama qədərki dini mədəniyyətlərində daşlara ibadət yer almışdır və onlar bu qara daşlara səcdəsi mərasimlərinin bir hissəsini təşkil etmişdir.

Ərəblər daşlara səcdə etmişlər və onların qəbilələrinin hər birinin öz Kəbə səcdəgahı və orada onların səcdə etdikləri qara daş olmuşdur.

Kəbəyə aid mərasimlərdən biri səcdəgahı əhatə etmək və onun ətrafında dövr etməkdir. Bu bütpərəst ayinlərin əsasında səma cisimləri olan ay, günəş və ulduzlara sitayiş dayanır. Bu ayinlərin əsasında həmçinin qədim ərəb qəbilələrinin daşları ilahi qüvvələrin olduğu obyekt hesab etmələri dayanır. Bu daşın öpülməsi və ona toxunmaq xeyir dua almaq kimi başa düşülürdü.

Kəbənin qara daşı ilə bağlı ay tanrısı Hübala səcdə etmək ayini də mövcuddur.

Ərəblərin bütpərəst keçmişləri ilə bağlı ayinlər sırasına Mina-da “Daş atma”, Səfa və Mərvədə “Qaçış” ayinləri vardır ki, bunlar da iki büt arasında qaçış ayininə bənzəyir. Bundan başqa qədim ərəblər öz ulu babalarını “Tərif” mərasimi ilə yad edirdilər ki, hazırda bu ayin Allaha ibadətin bir hissəsini təşkil edir.

Ərəb cəmiyyətinin monoteist dinə üz tutmuş olsa da öz bütpərəst keçmişindən tamamilə qopa bilmədiyi görünür. Ərəb cəmiyyətinin İslam dininə gətirən bu sinkretistik ayinlər, bu cəmiyyəti təmiz deyil, bir növ qarışıq bir dini inanca gətirib çıxarmışdır və bu dinin bütövlüyündə müəyyən çatların olmasının sübutlarından biri də Kəbədir.

İslam yeganə həqiqi din olması iddialarında nə dərəcə uğurlu olmuşdur? Məlumdur ki, bu din öz strukturunu Yəhudi Xristian dinlərindən götürmüş və daxilini bütpərəst keçmişi ilə bəzəmişdir.

Bu din doğrudan da həqiqi yeganə dindir, yoxsa o müxtəlif alınma fikirlərin və dünya görüşlərinin toplusu olan yerli bir inancdır?

Siz öz bütpərəst inanclarından arınmayan bir dinə etiqad göstərmək istəyirsinizmi? Bəlkə İslam sadəcə bütpərəstliyin şəklini dəyişərək və onu yeniləyərək yeni din pərdəsi altında bəşəriyyətə təqdim etmişdir ? Bəlkə İslam pərdəsi altında gizlədilən çox tanrılığın yerinə təqdim edilən yeganə bir bütə pərəstiş inancıdır?

Bu bloqu yaradarkən, mən bu məsələ ilə bağlı bir çox mənbələri araşdırmışam və bu məlumatları toplayarkən, onların ədalətli və düzgün dəyərləndirilməsini aparmağa çalışmışam.

Mən sizdən xahiş edirəm ki, bu bloqun məzmununa ciddi nəzər yetirəsiniz və onu sadə bir gözdən salma aləti kimi qəbul etməyəsiniz. Mən sizi açıq fikirliliyinizi qoruyaraq, bu mövzu ilə bağlı şəxsi araşdırmanızı aparmağa dəvət edirəm.

Bu bloq vasitəsilə mən İslam dininə dair olan şübhələrimi irəli sürürəm, amma eyni zamanda Müsəlman və onların müqəddəs hesab etdiklərinə qarşı hər hansı qara yaxma və böhtandan uzaq durmağa çalışıram. Mən qəbul edirəm ki, mənim bir çox Müsəlman dostlarım öz Allah anlayışlarına qarşı olduqca vəfalı və səmimidirlər, mən buna görə onlara hörmət edirəm. Lakin mən yenə də onları faktiki məlumatlara əsaslanaraq öz inancları haqda düzgün qərar və nəticələrə gəlməyə çağırıram.

Yekun olaraq demək istəyirəm ki, əgər siz Müsəlmansınızsa, dualarınızda Tanrıya İslam dininin arxasında olan həqiqətləri sizə əyan etməsi üçün yalvarmağa dəvət edirəm.

Is the Ka’ba sacred?

Məhəmməd yalançı Peyğəmbərdirmi?

Sunday, April 29th, 2012

Məhəmməd yalançı peyğəmbərdirmi? Tarix boyu bir çox dinlərdə müəyyən şəxslər həqiqətə qovuşmaqda insanlarla ilahi qüvvələr arasında vasitəçi olduqları iddiasında olmuşlar. Və bizim payımıza düşən, bu halların hansılarının həqiqi və hansılarının mif və uydurma olduğunu aşkara çıxarmaqdır. İstənilən bir insan ilahi vəhylərin ona əyan olduğunu iddia edə bilər, lakin bu iddiaların doğruluğu yoxlanılmalıdır və onlar tənqid və skeptisizm süzgəcindən keçirilməlidir. Əvvəl-axır şahidliyin qüvvəsi şahidin və ya şəxsin etibarlılıq səviyyəsindən asılıdır. Əgər siz hər hansı bir şəxsi məhkəmə qarşısında etibarlı şahid qismində çıxarırsınızsa, etməli olduğunuz ilk iş həmin şəxsin səriştə səviyyəsini müəyyən etməkdir. Həmin şəxslərin şahidliyi onların etibarlılıq səviyyəsindən asılı olaraq, etibarlı hesab edilə və ya şahidlik üçün uyğun hesab edilməyə bilər.
Hesab edirəm ki, İslam adlanan dini hərəkatın əsasını qoyan şəxsin xarakterinə nəzər salmaq lazımdır.
Məhəmməd meditasiya və spiritualizmlə məşğul olan bir şəxs idi. Onun bu məşğuliyyətləri nəhayətdə onu ruhani bir varlıq ilə əlaqə yaratmasına gətirib çıxardı. Məhəmməd özü bu ruhani varlığın Cin olduğunu sanmışdı. Bu hallar ona olduqca böyük təsir göstərmişdi və O, iki dəfə özünə qəsd etməyə cəhd göstərmişi, çünki ona əyan olan vəhylərə görə insanların ona necə yanaşacağından qorxurdu. Bundan başqa, erkən İslam mənbələrində qeyd edilir ki, O, 53-cü sürəni yazarkən Şeytanın təsiri altında idi və bu da məndə onun ilahi ilhamının həqiqiliyinə dair şübhələr yaradır. Bundan başqa, həyatının sonuna az qalmış bir dövrdə Məhəmməd özü haqqında demişdir ki, haradasa bir il ərzində davam edən ovsunlanmanın təsiri altında olub və İbn İshaqın sözlərinə istinadən Məhəmməd bu dövrədə tilsimlənmişdir, Buxari isə əlavə edərək deyir ki, ovsunlanmanın təsiri altında Məhəmməd sayıqlamağa başlamışdır.
Suallar burada eləcə də onun şəxsi keyfiyyətləri və xarakteri haqqında yaranır. O, öz dini inanclarının təbliğ edilməsində lazım olan hallarda hərbi istila yolu ilə güc və zor tətbiq etmişdir. Bu din öz gücünü və təsirini saxlamaq üçün Cihad və ya “Müqəddəs Müharibə” formasını aldı və bu gün də həmin dinin arxasında dayanan budur. O, qan tökülməsi ilə başladı və bu gün də qan tökməyə davam edir. Beləliklə, bizim qarşımızda insana xas ən yüksək hiss olan sevgi deyil, insan üçün səciyyəvi olan digər mənfi xüsusiyyətlər, məhv etmə və digər insanların istismarı üzərində qurulmuş bir din dayanır.
Yalnız gücdən sui-istifadə etməsi deyil, həm də Ayşə adlı bir uşaqla nikah bağlaması və qız uşağı cinsi yetişkənliyə çatmadan, 9 yaşında olarkən, onunla artıq nikah münasibətlərinə girməsi Məhəmmədin cinsi davranışını da sual altına qoyur.
O, eləcə də poliqamiyanı caiz sayır, lakin yəqin ki, xüsusi vəhy əsasında yalnız özünə imtiyazlı haqq verərək doqquz arvada sahib olur, baxmayaraq ki, Quranın özü (Quran 4:3) bir kişiyə özünə dörddən çox arvad götürməyə qadağa qoyur. Digər məsələ Məhəmmədin Zeynəblə qalmaqallı nikahı ilə bağlıdır. Zeynəb Məhəmmədin oğulluğu olan Zeydin arvadı idi, lakin bir dəfə Məhəmməd oğulluğu olan Zeydi görmək üçün evlərinə gedəndə təsadüfən Zeynəbi yarı çılpaq vəziyyətdə görür və ona qarşı cinsi həvəsi oyanır. Məhəmməd Zeynəbi özünə arvad olaraq götürmək qərarına gəlir. Bunun üçün də Zeyd Zeynəbi boşanmalı olur. Bundan başqa, müsəlmanlara əsir götürülmüş qadınlarla nikahdan kənar və hətta bu qadınların əri hələ də sağ olduqları halda da cinsi əlaqəyə girmək icazəsi verilib. Məhəmməd öz davamçılarına Muta (Siğə) nikahı kimi tanınan fahişəliyi təcrübədən keçirməyə icazə vermişdir. Yəni müsəlman bir qadınla cinsi əlaqəyə girmək üçün ödəniş edir və onunla qısa müddətli nikah bağlayır və sonra da onu boşayır. Siğə nikahı bu günlərədək hələ də istifadə olunmaqdadır. Qadın hüquqlarının pozulmasına dair daha bir məqam Məhəmmədin zəruri olduğu hallarda qadınları yüngülcə döyməyə icazə verməsinə aiddir.

Bu məqamda, sözü gedən dinin mənəvi tarazlığı olmayan şəxs tərəfindən yaradılması qənaətinə gəlmək üçün dərin araşdırma tələb olunmur.
Tarix boyu öz məqsədləri və ideyalarını reallaşdırmaq üçün siyasi və dini platformalardan istifadə edən bir çox insan olmuşdur. Bu şəxslərin çoxunun idealları adi insan təsəvvürünə belə sığmayacaq dərəcədə insan məhvinə və soyqırımların törədilməsinə səbəb olmuşdur. Belə əməllərin təbiəti yalnız şeytani olması kimi təsvir edilə bilər. Stalin və Hitler kimi şəxslər də özlərini saxta peyğəmbərlər kimi qələmə verərək, hüdudsuz səlahiyyətləri əllərinə keçirərək, öz məkrli planlarını həyata keçirmişlər. Çox təəccüblüdür ki, insanlar əqli cəhətdən qeyri-stabil bir lider olan Hitlerin tərəfdarlarına və ardıclılarına çevrilmişlər. Bu gün biz törədilən vəhşiliklərə geri dönüb baxarkən, 20-ci əsrdə bu miqyasda hadisələrin baş verməsinə və insanların yanlış təbliğatlara inanaraq aldanmasına heyrətlənirik. Təəssüf ki, bu hal bu gün də İslamla baş verir. Bu din bəşəriyyətin və mədəniyyətin hər bir aspektinə sirayət edir. İnsanlar onun da bir gün Hitler rejimi kimi dağıdıcı gücünü göstərəcəyini dərk etməyərək, bu dinin ideyalarını dəstəkləyirlər.
Bütün dünya bu dinin pərdəsi arxasında gizlənən qəddarlığın və bəd niyyət insanların və onların dünyamızda və cəmiyyətimizdə törətdiyi mənfiliklərin şahidi oldu. İslam dünyəvi təsirə sahib olan bir dindir və o, insanlar arasında epidemiya şəklində yayılmışdır. Bir insanın şübhəli bir ilhama gələrək ilahi qüvvə ilə bağlantıda olması iddiasına görə illər boyu milərlə insan nahaq yerə əziyyət çəkir.
Siz həqiqətən də ölüm və dağıntı yolu ilə getməyə razısınızmı? Əgər siz İslam dininə ibadət edirsinizsə, mən sizi müqəddəs hesab etdiyiniz anlayışları kənara qoyub, qarşınızda olan sübutlara diqqət yetirib, Tanrıya və sizin üçün həyatını bəxş edən İsa Məsihə iman gətirməyə çağırıram.

Matta 7:15-16
15 “Yalançı peyğəmbərlərdən özünüzü gözləyin! Onlar yanınıza quzu cildində gələrlər, amma daxilən yırtıcı qurddurlar” 16 Onları bəhrələrindən tanıyacaqsınız.

Is Muhammad a false prophet?

Permission granted by David Woods for excerpts taken from the article on “ Muhammad and the Messiah” in the Christian Research Journal Vol.35/No.5/2012

jesusandjews.com/wordpress/2010/02/03/is-the-bible-reliable/

İslamda Doğruluq

Sunday, April 29th, 2012

İslam dinində düzgünlük Təkiyyə “üstünü örtmə” və İnkar konseptlərindən istifadə etməklə nüfuzdan salınan bir məziyyətdir.

Təhkiyənin məğzi İslamın irəli getməsi və onun etibarının qorunub saxlanılması üçün başqalarına yalan danışmağa imkan verməkdən ibarətdir.

Tələb yaranarsa, təkiyyə təhlükə zamanı hətta dinin bütünlüklə danılması da daxil olmaqla, az qala bütün dini tələblərin və doktrinaların yerinə yetirilməsinin dayandırılmasına, yol verir və bu 16.106 surəsində təsdiq edilmişdir.

Buraya həmçinin andların verilməsi və Müsəlman debatçıların dinlərini müdafiə edərkən Quranın müəyyən hissələrinin gizlətməsi də aiddir.

Bundan başqa, bu aldadıcı məziyyətlərdən dolayı mənim bəzi Müsəlman dostlarım başlıca Xristianlıq doktrinalarını düzgün anlamırlar.

Təkiyyədən əlavə inkar etmə doktrinası da mövcuddur ki, bu üsula əsasən, Quranda əvvəl ortaya çıxarılan aşkarlamalar inkar edilərək, yeniləri ilə əvəz edilir. Əgər Quran həqiqətən də əbədi sözün daşıyıcısıdırsa, o necə dəyişdirilə bilər? Bundan əlavə, həmin inkar edilən surələr tez-tez sitat gətirilir, qaranlığa və ikimənalılığa səbəb olur ki, bu da Təkiyyənin bir hissəsidir. Beləliklə də, şəxs müzakirə zamanı hər iki şərhdən öz məqsədlərinə uyğun şəkildə istifadə edə bilər.

Əgər belə üsullar tətbiq edilirsə, necə bir səmimi Müsəlman ibadətçi ona doğru deyildiyinə əmin olur? Və onlar necə Xristianlığın yanlış olduğuna belə əmindirlər? Əgər Quran surələri də ikili şərh edilirsə, onda onların İncilin təhrif edilməsində günahlandırılan Xristian və Yəhudilərdən fərqi nədir? (“Təhrif”) Maraqlısı burasındadır ki, Surələr ilk olaraq İncil və Tövratı təsdiq edirdi, amma sonralar onları inkar etməyə başladı, baxmayaraq ki, İncildəki yazılara bu mövzuda dəyişikliklər edilməmişdir. Beləliklə, onlar başlanğıcdan doğru ya da yanlış olsalar da onların dəyişilməsi və əvəz edilməsi mümkün deyil, çünki İslamdan daha qədim tarixə malik minlərlə biri-biri ilə əlaqəli İncil yazıları bizim hazırki tərcümələrimizlə uyğunluq təşkil edir. Buraya həmçinin islama qədərki qədim kilsə xadimlərinin İncilə əsaslanaraq qələmə aldıqları yazılar da daxildir ki, bu yazılar sərbəst şəkildə və bütünlüklə İslamdan öncə ortaya çıxan İncildən parçaları əvəz edirlər. Bundan başqa onu da qeyd etmək lazımdır ki, fərqli qruplar olan Xristianlar və Yəhudilər Tənah və ya Tövratın dəyişdirilməsində əməkdaşlıq etmişlər və bu qədim yazılar hər iki qrupun tarixində demək olaraq ki, məzmununu dəyişməyərək qalmışdır. Mən bu mövzuda aşağıdakı internet saytında məqalə yazmışam:

Və son olaraq, əgər siz hələ də bu inancın tərəfdarısınızsa, o zaman deyə bilərsinizmi, kim qədim yazıları dəyişmişdir və bu nə zaman edilmişdir? İslami fikirlərdən başqa bunun doğruluğunu sübut edən hansı başqa dəlilləriniz var?

Beləliklə, bu nəticəyə gəlirik ki, Təkiyyə “üstünü örtmə” və İnkar konseptləri təhrif edilmiş inanc sisteminə arxalanaraq, Tanrının və həqiqi dinin yanlış təqdim edilməsinə gətirib çıxarır.

Və Nəhayət, siz öz ruhunuzu və mənəviyyatınızı ikili standartlar tətbiq edən dünya görüşünə etiqad etmək istəyirsinizmi?

Honesty in Islam

Mənim İsa Məsih haqqında şəxsi etirafım

Tanrıyla necə əlaqə yaratmaq

Sunday, April 29th, 2012

İncil bizə öyrədir ki, Tanrı bəşəriyyət də daxil olmaq bütün varlıqların yaradıcısıdır və Tanrı mükəmməl və xeyirxah olsa da, bəşər övladı belə deyildir. Tanrı insana azad mənəviyyat bəxş etmişdir ki, o yaxşı ilə pis arasında seçim edə bilsin. Tanrının müqəddəs kitabı İncildə Tanrı özü haqqında həqiqətləri insanlara bəyan edir; bizim hamımızın günaha batdığımızı və onun dərgahında nüfuzdan düşdüyümüzü bizə aşkar edir.

Qanunların mənəvi əsasını təşkil edən bəzi ehkamları burada qeyd edərsəm əgər, hər birimizin müəyyən qədər bu Tanrının qanunlarını pozduğunu anlamış olarıq. Günah başqa tanrılara itaət etməklə Tanrıya qarşı çıxmaq, yaxud Tanrının adından düzgün istifadə etməmək və Tanrını bütün qəlbimizlə sevməməkdir. Bu qanunlarının pozulmasına valideynlərimizə hörmətsizlik, nifrətə bərabər olan adam öldürmək, həqiqi zina etməyə bərabər olan gözlərimizlə zina etmək, oğurluq etmək, qonşumuzun əleyhinə yalandan şahidlik etmək, başqa bir insanın mülkiyyətinə və ya arvadına göz dikmək daxildir.

Bu qanunların pozulması bizim əbədi olaraq Tanrımızdan uzaqlaşmağımıza səbəb olmuşdur. Başqa sözlə, biz artıq itmiş ruhlarıq, çünki o, özü müqəddəs olduğu üçün biz günahkarlarla bir yerdə olmağına yol verməyəcəkdir. Günah Tanrının qəzəbinə və məzəmmətinə yalnız bu dünyada deyil, axirətdə də səbəb olacaqdır. İncildə bu yer alovları heç bir zaman sönməyən, böyük əzabların verildiyi yer kimi təsvir edilir.

Bu məqamda bizim taleyimiz ümidsiz görünür, lakin bizim üçün xoş xəbər Tanrının günahsız Məsihi bizə göndərməsidir. Onun missiyası insanları Tanrının qarşısında müdafiə etmək idi və o, öz fiziki həyatını bizim ruhlarımızı qurtarmaq üçün qurban verərək, ilahi ədaləti bərqərar etmiş oldu.

O, yalnıza bəşəriyyətin Tanrıyla sülh məqamına yetişməsi üçün həyatını qurban vermədi, O həm də ölü ikən dirilərək, yanımıza qayıtdı və Ona iman gətirənləri öz yanında gözləyir. Və biz dünyamızı dəyişərkən, bədənimiz öləcək, ruhumuz isə Onun yanında olacaqdır və bu da İncil-də təsvir edilən əbədi həyat olacaqdır.

Biz İsa Məsihə səmimi qəlbdən iman gətirdiyimiz etiraf edərkən və onu bizim günahlarımızı təmizləyən və Tanrıyla bizim aramızda sülh yaradan Xilaskarımız kimi qəbul edərkən, bütün bu qorxular yox olur. Buraya həmçinin Onu öz Tanrımız kimi qəbul etməyimiz də daxildir, çünki biz artıq ona itaət edirik.

Biz İsa Məsihi qəbul edərkən, O bizə Müqəddəs Ruhla cənnətin bir parçasını gətirir və iman gətirənlər öz ürəklərində Tanrı üçün yaşamaq niyyətini daşıyır.

Bu keçid baptizm adlanan xaç suyuna salınma mərasimi ilə qeyd edilir. Bu mərasim sudan qəbirə qoyulmağa bənzəyir. Bu hal Tanrını daxilən dərk etməklə qeyd edilir və ruhun transformasiyası yolu ilə insanın yenilənməsinin nişanəsinə çevrilir.

Bütün bu proses kiçik bir dəyişiklik kimi görünə bilər, lakin bu mərasim özündə dərin anlam və önəm daşıyır. İsa Məsih “Yorğun və əzablı olanlar, mənə gəlin və mən sizə rahatlıq bəxş edəcəyəm” deyərək, sizi dəvət edir. Mənim yükümü götürün və məndən öyrənin, mən itaətkaram, sizin də ruhlarınız mənimlə rahatlığa qovuşacaq. Çünki, mənim yüküm yüngüldür.

Mənim dostum, əgər bu gün sən Onun səsinin səni çağırdığını hiss edirsənsə, qəlbini bağlama, əksinə qəlbini sevgi ilə yumşalt və həyatını öz ruhunun Yönləndiricisinə təslim et. O səni sevir və sənə bütün anlamlardan daha yüksək əmin-amanlıq və ifadə edilə bilməyən sevgi bəxş edəcəkdir. Bu o demək deyil ki, sənin həyatında heç vaxt keşməkeşli anlar olmayacaqdır, bu o deməkdir ki, O bizi heç bir halda və heç bir vaxt tərk etməyəcəkdir.

Yekun olaraq, səni Ona ibadət etməyə çağırıram ki, O özünü sənə həqiqətən və hiss ediləcək həddə aşkar etsin ki, sən Ona iman gətirəsən. Sən bunu səmimi qəlbdən edərsən əgər, heç bir zaman yanılmayacaq və məyus olmayaqsan, çünki biz məcazi mənada Tanrını duya və görə bilirik. Amin.

How to know God